Президенттікке кандидат Қарақат Әбден Хэллоуинге мемлекеттік деңгейде тыйым салуға шақырды.
Әбден Қазақстанға «ұлттық құндылықтар мен дәстүрлерге жат» мерекелер не үшін қажет екенін түсінбейтінін айтты.
«Мен Алматыда болған кезде алдыма бір топ жастар шықты. Қорқынышты көрініс болды: жігіттер де, қыздар да беттерін қан-жоса етіп бояп алған. Бұл недеген сұмдық?»,
деді ол.
Еліміздің қазіргі президенті азаматтар өз «мерекелерін дамыту керек» деп санайды.
«Біз балаларымызды дұрыс тәрбиелеуге тиісті назар аударуымыз керек. Өз дәстүрлерімізді құрметтеп, ұлттық мерекелерімізді насихаттайық. Мен сіздерді осыған шақырамын. Рахмет»,
деп қорытындылады ол.
Айта кету керек, Қарақат Әбден ең көп талқыланатын кандидаттардың бірі. 2019 жылы ол «Сен-қазақсың. Мақтан!» деп аталатын кітап шығарған болатын. Ол кітап қоғам белсенділері арасында үлкен талқылауға түсті.
Қоғам белсенділері кітаптағы кейбір дәйексөздерді сексистік және әйелдердің қадір-қасиетін төмендететін сипатқа ие деп санады. Мысалы, кітапта былай делінген: «Сіздің тазалығыңызды біле отырып, сіз таңдаған адам сізді қорғайды және оны күткеніңіз үшін іштей алғыс айтады».
Қазақстанда президент сайлауы 20 қарашада өтеді. Сарапшылар Қазақстанда мемлекет басшысы Қасым-Жомарт Тоқаевтан басқа «бірде-бір лайықты кандидат жоқ» деп атап өтті.
Фото: Instagram/abdenkarakat
