RaiM Ақтөбе қаласының Орталық стадионында өткен RAKHMET FEST 2025 музыкалық фестивалінде өнер көрсетті. Ол сүйікті жары әрі балаларының анасын қуантуды мақсат етіп, оған арнап тосынсый дайындады.
«Күйеуім кеше, сенің туған жеріңе, Ақтөбеге бара жатырмын, стадионда сенің әніңді шырқатамын деп кеткен еді. Тіпті қатты мән бермедім мен. Енді бүгін соны көріп жылағым келіп отыр ғой. Махаббат деген осындай бола ма? Қараңыздаршы»,
– деп жазды Ерке.
Кадрларда фестивальге жиналған мыңдаған көрерменнің RaiM-мен бірге Ерке Есмаханның репертуарындағы «Қайда?» әнін шырқаған сәті көрсетілген. Олар қолдарына телефон ұстап, жарық жағып, ән әуеніне қосылып билеп тұрды.
Айта кетейік, бұл ән Еркенің көп жылдар бойы хит болып келе жатқан туындысы. Ал оның бейнебаяны YouTube платформасында 176 миллионнан астам қаралым жинаған.
Фото: Instagram
