Әселдің айтуынша, ішкі сұлулықсыз сыртқы әдемілік толыққанды бола алмайды.
«Әйелдің ішкі сұлулығы — өз-өзін, өз денесін, сезімдері мен эмоцияларын, қалауы мен қажеттіліктерін қабылдаудан басталады. Әйел өткенін жібере білгенде және сол үшін өзін кінәлауды не ұялуын доғарғанда, оның бәрі — тек өмірлік тәжірибе екенін, дәл сол тәжірибе даналық пен тереңдікке, өз кемшілігін қабылдап, рухани кемелдікке қадам басуға қажет болғанын түсінеді. Әйел өз сезімталдығы мен сексуалдығын толық қабылдап, осалдық пен әлсіздіктен қорықпай, керісінше, дәл сол арқылы өзінің үлкен күшін көреді», –
деп жазды Әсел.
Сәдуақасованың пікірінше, шынайы әсемдікке айналатын — дәл осы ішкі сұлулық. Өйткені онда тұтас бір өмір бар. Ол көзқарасты нұрландырады, қимылды жұмсартады, дауысқа мағына береді.
«Мұндай сұлулық қартаймайды, сәннен қалмайды, уақыт пен кеңістікке бағынбайды. Бұл — ешқашан жоғалмайтын, кездесуден кейін жүректе, есте, ішкі жылылықта қалатын сұлулық. Бұл — жанның сұлулығы», –
деп түйіндеді ол.
Пікір қалдырған желі қолданушылары актрисаға жылы лебіздерін жазды:
«Шығармашылыққа қайтып оралатын кезіңізді күтеміз!», «Толық келісемін, сөзіңізге қарағанда жаңа қарым-қатынасқа дайын сияқтысыз», «Бұл аруды жақсы көремін», «Өкінішті, сізден кішімін, әйтпесе сізбен әңгімелесуді қатты қалайтын едім», «Өте әдемі».
Фото: Instagram
