Спорт дененің денсаулығына пайдалы, бірақ тері әрқашан бұл тізімде бола бермейді.
Фитнес пен спорт жаттығулар қанды оттегімен қанықтыру және бет терісін жақсарту арқылы терінің күйін оңалта алады. Кемшілігі — егер тері күтімі дұрыс болмаса, жаттығудан кейін безеу, тітіркену және қара нүктелер пайда болуы мүмкін. Дерматолог және жаттығудан кейінгі тері күтімі бойынша сарапшы Виктория Барнс Telegraph-қа берген сұхбатында жағымсыз әсерлерден қалай аулақ болу керектігін айтады.
Жаттығу алдында теріңді дайында
«Дене қызуы мен терлеудің жоғарылауы тері тесігінің қызаруына, тітіркенуіне және бітелуіне әкелуі мүмкін, ал жаттығу құралдарында тұратын бактериялар безеудің пайда болуына ықпал етеді», – дейді Барнс. Сондықтан жаттығу алдында сарапшы макияжды жууды ұсынады.
SPF туралы ұмытпа
Әсіресе, егер сен далада жаттығу жасасаң. Егер боялмаған терімен ыңғайсыздық сезінсең, үстіне жеңіл тоналды крем жағуға болады.
Бетіңді қолыңмен ұстама
Тренажерлерге қол тигізген соң, сен бактерияларды бетіңе тасымалдайсың. Егер маңдайыңдағы терді сүрткің келсе, қолыңды емес, құрғақ, бір рет қолданылатын майлықтарды немесе таза сүлгіні пайдалан.
Спорттан кейін бетіңді жу
«Егер тер мен майдың қалдықтарын жуып тастамасаң, келесі күні таңертең қара нүктелер немесе безеулер пайда болуы мүмкін», – деп түсіндіреді сарапшы. Егер бетіңді жууға мүмкіндік болмаса, кем дегенде бетіңді тонермен сүрт.
Фото: Shutterstock
