Әнші жақын арада көрермен назарына ұсынылатын «Жоғалған есім» телехикаясында басты рөлдердің бірін сомдайды.
Қазіргі таңда сериалдың түсірілім жұмыстары Алматы қаласында жүргізіліп жатыр. Жалпы саны 24 бөлімнен тұратын мелодрамалық жоба көрерменге күз мезгілінде ұсынылады деп жоспарланған.
Телехикаяның режиссерлік тізгінін Азиза Мансұрова ұстаса, басты кейіпкерлерді Мақпал Исабекова мен актер Медет Аманбаев сомдайды. Сонымен қатар жобаға тәжірибелі актерлер құрамы да қатысуда.
Бас продюсер Шолпан Батырбаеваның сөзінше, туындыда қазіргі қоғамдағы отбасы институтына қатысты маңызды мәселелер қозғалады. Сюжет желісі арқылы кейіпкерлердің өмірі мен таңдауы көрсетіліп, отбасылық қарым-қатынас, жауапкершілік және өзара түсіністік тақырыптары қамтылады.
«Жоғалған есім» телехикаясының алғашқы көрсетілімі алдағы күзгі телемаусымда өтеді деп күтілуде.
Фото: Instagram
