Танымал қазақстандық блогер Карина Сыздықова мамыр айының соңғы күнінде тұрмысқа шықты. Той салтанаты ерекше әрі өте әсерлі атмосферада өтті. Қалыңдық дәстүр бойынша гүл шоғын лақтырудан бас тартып, өзгеше тәсілді таңдаған.
Тойға келген тұрмыс құрмаған қыздардың барлығының телефон нөмірлері жиналып, өзіндік бір лотерея ұйымдастырылды. Карина Сыздықова кездейсоқ таңдалған нөмірге қоңырау шалған сәтте, зал ішінде Мақпал Исабекованың телефоны шырылдаған.
Осылайша, қалыңдықтың гүл шоғы әншіге бұйырып, қалыңдық оған бақыт пен шынайы махаббат тіледі.
«Бұл керемет болды! Өте тамаша идея екен», «Сөз жоқ, өте әсерлі. Мақпал бақытқа лайық жан», «Неткен тамаша ойластырылған», «Мына видеоны он рет қайта қарап шықтым», «Жан тебірентер сәт, тіпті денем түршікті», – деп жазды әлеуметтік желі қолданушылары.
Фото: Instagram
