Сонымен қатар сот оған 25 айлық есептік көрсеткіш (108 125 теңге) көлемінде айыппұл салды. Бұл туралы Алматы қалалық Полиция департаменті хабарлады.
Полицияның мәліметінше, тексеруге әлеуметтік желіде жарияланған бейнежазба негіз болған. Онда блогердің шын есімі Жұлдыз Жауынбаева екені айтылып, оның әкесі тарапынан өзіне зорлық-зомбылық жасалғаны туралы мәлімдеме жасаған.
Алматы қалалық Полиция департаментінің хабарлауынша, тексеру барысында блогер мен оның ата-анасынан жауап алынған. Тексеру қорытындысы бойынша полиция мәлімдегендей, құқыққа қайшы әрекеттердің болғаны расталмаған.
Сондай-ақ, полиция жарияланған бейнежазбада қыздың тыйым салынған заттарды пайдаланғанын көрсеткенін мәлімдеді. Ведомствоның хабарлауынша, медициналық сараптама оның есірткі қолданғанын растаған.
Бұдан бөлек, полиция блогердің әрекеттерінен әкімшілік құқық бұзушылық белгілерін, атап айтқанда, ұсақ бұзақылық пен жалған ақпарат таратуды анықтағанын хабарлады.
Сот шешімімен Жұлдыз Жауынбаева 10 тәулікке әкімшілік қамауға алынды. Сонымен қатар оған жалған ақпарат таратқаны және ресми ескертудің талаптарын бұзғаны үшін 25 АЕК (108 125 теңге) көлемінде айыппұл салынды.
Полиция жалған ақпарат тарату және қоғамдық тәртіпті бұзу Қазақстан Республикасының заңнамасына сәйкес жауапкершілікке әкеп соғатынын еске салды.
Өз кезегінде Juzzefina 24 маусым күні Instagram парақшасында бірнеше Stories жариялап, өзін полицияға анасы шағымданғанын, соның салдарынан ұсталғанын мәлімдеді.
«Мені ұстап әкетті. Анам менің үстімнен арыз жазды. Өтінемін, бәрі әділ болғанын қалаймын. Халық, көмектесіңіздерші», –
деп жазды блогер.
Фото: Instagram
