Кофе арықтауға пайдалы болып шықты
Unsplash: SnapbyThree MY

The Nutrition Twins, Тэмми Лакейтос Шеймс және Лисси Лакатос, салмақ тастау үшін күніне қанша кофе ішу керектігін түсіндірді. 

Гарвард қоғамдық денсаулық сақтау мектебінің зерттеушілері жүргізген зерттеу күніне төрт кесе кофе ішу дене майын шамамен 4% төмендететінін көрсетті. Бұл зерттеу 24 апта бойы жүргізілді және оған артық салмағы бар және инсулинге сезімталдығы жоқ 126 ересек адам қатысты.

Сондай-ақ, The Nutrition Twins салмақ тастау үшін тәулігіне 200-ден 400 мг-ға дейін (екі-бес кесе кофе) кофеин алу жеткілікті болады деп болжайды. Бұл сенің денеңнің мөлшеріне де байланысты. 

Егер сен кофеге кілегей немесе қант қоссаң, онда ешқандай әсер болмауы мүмкін. Clinical Nutrition журналында жарияланған жаңа зерттеу бір кесе кофеге бір шай қасық қант қосу салмақ жоғалтудың барлық мүмкіндігін жоққа шығаратынын анықтады.

Кофе бірнеше ерекшеліктердің арқасында салмақ жоғалтуға көмектеседі. Біріншіден, оның құрамына термогендік әсері бар және метаболизмді жеделдететін кофеин кіреді. Осының арқасында ол көп калорияларды жоюға көмектеседі. Сондай-ақ, кофе тәбетті тежеп, аштықты азайтады. Кофенің құрамында хлороген қышқылы бар, ол майдың кетуін тездетеді және көмірсулардың сіңуін баяулатады.


Фото: Unsplash

Поделиться: