Қараша айы — жақсы көңіл-күй мен әл-ауқатты сақтау тұрғысынан жылдың ең қиын мезгілі.
Күн сәулесі жеткіліксіз, ал күндізгі жарық тым қысқа, суық ауа-райы ұзақ серуендеуге кедергі келтіреді, күздің ашық түстері сұр түске ене бастайды — мұның бәрі көңіл-күйге әсер етпей қоймайды. Сарапшылар темекі мен алкоголь сияқты күмәнді стимуляторларсыз ағзаны қалай қолдау керектігін айтты.
Олар денеге биохимиялық деңгейде көмектесетін ең жақсы 5 тағамды атады. Ең бастысы шамадан тыс тұтынып қоймау қажет. Өйткені ұсынылған тағамдардың көпшілігінің калориясы көп.
- Шоколад
Оның құрамында серотонинді — біздің көңіл-күйімізге тікелей әсер ететін «қуаныш гормонын» бөлуге қажетті триптофан бар. Сонымен қатар, күніне бірнеше шоколад жеу ұйқышылдықпен күресуге көмектеседі, ал оның үйдегі иісі (сұйық шоколад немесе какао қайнатуға болады) эндорфин деңгейін жоғарылатады.
- Банан
Олардың құрамындағы В6 дәрумені мен магний демалуға және стресске қарсы тұруға көмектеседі. Сарапшылар жасыл банандарды таңдауға кеңес береді, олардың калориялары аз.
- Жаңғақ
Жаңғақтарда да триптофан бар, ол серотонин деңгейін жоғарылатады, ал кешке бір уыс жаңғақ жеу ұйқыны тереңдететін және күшейтетін мелатонин өндірісіне ықпал етеді. Жақсы ұйқы — күйзеліске қарсы тамаша дәрі. Жаңғақтарда Омега-3 май қышқылдары да бар, олар жылыту маусымында терінің серпімділігін, шаш пен тырнақтың беріктігін сақтауға көмектеседі.
- Жасыл салаттар
Фолий қышқылы депрессиямен күресуге көмектеседі — шпинат, рукола, брюссель қырыққабаты, брокколи, ақжелкен және кинза оған бай. Фолий қышқылы ет, жұмыртқа, бұршақ дақылдарында да бар. Бірақ термиялық өңдеу оның дайын тағамдағы мөлшерін екі есе азайтады. Сондықтан шикі салаттар жақсы.
- Цитрус қосылған күркетауық
«Бұл ерекше комбинация жұмыс күндері күтпеген гастрономиялық ләззат ретінде көңіл-күйіңді көтеріп қана қоймайды, сонымен қатар денеңді селен, мыс, темір, калий, с, В12 және В6 дәрумендерімен байытады. Ал ақуыз ұзақ қанықтырады»,
деп қорытындылады сарапшылар.
