Сатқындықты кешіре алатын қыздар аз. Бұл қадамға баруға дайын адамдар жұбының өкінетініне және болашақта мұндай қателік жасамайтынына сенімді болғысы келеді. Бірақ, кейде ер адамдар ұялғандай көрінуге, тіпті, тырыспайды. Бұған бірнеше түсініктеме табуға болады.
1. Ол жаман әрекет жасадым деп ойламайды
Ер адам өкінбейтінінің себебі, ол сатқындықты орынсыз нәрсе деп санамайтындықтан болуы мүмкін. Егер сен онымен қарым-қатынастың басында бір-біріңе адал болуға міндетті емес екендеріңді келіскен болсаңдар, бұл әбден мүмкін. Немесе жігіт алдау күнделікті әрекет деп саналатын және оған жаман нәрсе ретінде қарамайтын ортада өсті.
2. Ер адам өзін көзге шөп салдым деп санамайды
Әр адам «сатқындық» ұғымын өзінше түсінеді. Кей қыздар жігітінің желіде біреумен сырласып жатқанын жақсы қабылдауы мүмкін, тек төсекте онымен болу маңызды. Тағы біреуі жақын құрбысымен немесе әріптесімен амандасқанын көзге шөп салу деп түсінеді.
Сонымен, егер ер адам көзге шөп салғаннан кейін өкінбесе, ол дұрыс емес нәрсе жасағанын түсінбеуі мүмкін. Егер бұл сенің жағдайыңа ұқсас болса, үндемей қалма. Сені не мазалайтыны туралы жұбыңмен сөйлес — бұл болашақта осындай проблемалардан аулақ болудың ең жақсы тәсілі.
3. Ол қарым-қатынасты тоқтатқысы келеді
Кейде қарым-қатынасты аяқтауға дайын ер адамдар мұны істеуге батылы жетпейді. Олар қыздың өзіне айырылысу туралы сөз бастатудың жолын іздейді. Мысалы, оның қоңырауларын елемейді, ренжітетін әзілдер айтады. Кейбір жігіттер одан әрі алға жылжып, көзге шөп салуға бел буады.
Мұндай нәрсеге қабілетті адаммен қарым-қатынасты сақтаудың қажеті жоқ. Егер оның сезімі бұрынғыдай емес екенін түсінсең, бірінші болып екіге кету туралы әңгіме баста.
4. Оған сенің сезімдеріңе бәрібір
Мүмкін, ер адам ыңғайлылық үшін сенімен айырылысқысы келмеуі мүмкін, бірақ ол сенің сезімдеріңе мән бермейді. Сондықтан ол басқа әйелдермен уақыт өткізуі мүмкін, бірақ кінәлі сезінбейді.
Ер адамның сені құрметтемейтіні туралы оның мінез-құлқының басқа да ерекшеліктері ескертуі мүмкін. Мысалы, ол сенімен бөгде адамдардың көзінше қалай сөйлеседі, сенің қарым-қатынасқа қосқан үлесіңді қаншалықты бағалайды және қаншалықты жиі қамқорлық көрсетеді.
5. Ол өзінің кінәлі екенін түсінеді, бірақ оны жасырады
Сенің жұбың өзін кінәлі сезінуі мүмкін, бірақ әлсіз болып көрінуден қорқып немесе қарым-қатынаста көшбасшылық позицияны бергісі келмегендіктен оны жасыруға тырысады.
Ер адам өз кінәсін білетінін, бірақ бұл туралы тікелей айтқысы келмейтінін оның әрекеттерінен түсінуге болады. Ол бұрынғыдан қарағанда мұқият болып, мақтау немесе қаржылық қолдау жасай бастайды.
Фото: Unsplash
