Қазан айында қазақстандықтар 10 күн демалмақ — оның ішінде ел тұрғындары Республика күні 25 қазанда да демалады.
Қазақстан тұрғындары 1, 7, 8, 14, 15, 21, 22, 28 және 29 қазан — небәрі тоғыз күн демалады. Сонымен қатар, 25 қазанда Қазақстанда Республика күні атап өтіледі. Ресми мереке күнтізбесіне сәйкес, биылғы жылы ол сәрсенбіге келеді және бұл да демалыс күні. Сонымен, барлығы қазақстандықтарды 10 демалыс күні күтеді.
Сондай-ақ, «ҚР-дағы мерекелер туралы» заңға сәйкес Республика күні ұлттық мереке болып табылады.
Ұлттық мерекелер — Қазақстан мемлекеттілігінің дамуына елеулі ықпал еткен ерекше тарихи маңызы бар оқиғаларды еске алу үшін Қазақстан Республикасында белгіленген мерекелер. Ұлттық мерекелерді мерекелеу орталық және жергілікті мемлекеттік органдарда ресми іс-шаралар өткізумен сүйемелденеді.
Республика күні — еліміздің басты және жалғыз ұлттық мерекесі. 1990 жылғы 25 қазанда Қазақ КСР Жоғарғы Кеңесінің қаулысымен Қазақ КСР Мемлекеттік Егемендігі туралы декларация қабылданды.
Осы Декларацияның қабылдануымен Қазақстанның егемендігін жариялайтын жеке аумағы, азаматтығы, мемлекеттік бюджеті, халықаралық қатынастардағы дербестігі, Мемлекеттік рәміздері бекітілді. Қазақстан аумағының егемендігі мен тұтастығы саяси, заңды және экономикалық тұрғыдан негізделген.
Фото: Unsplash
