Pexels: Daniel Trylski
Еркек пен әйел арасындағы қарым-қатынаста бір тарап күткеннен өзгеше рөл атқара бастайтын жағдайлар жиі кездеседі. Осындай рөлдердің бірі — ана. Егер әйел ер адам үшін ата-анасы сияқты болса, ол бірқатар қиындықтарға тап болады, бірақ бірдеңе дұрыс емес екенін бірден түсінбейді. Міне, сен мұндай жағдайға тап болғаныңның бірнеше белгілері.
Сен барлық мәселелерді жалғыз шешесің
Қарым-қатынас тек қуаныштан ғана емес, сонымен қатар әртүрлі мәселелерді шешуден тұрады. Сау байланыс орната алатын адамдар қиындықтарды бірге жеңе алады. Олар міндеттемелерді бір-біріне жүктемейді және жауапкершіліктен қашпайды. Қарым-қатынасы балалар мен ата-аналардың байланысын еске түсіретіндер басқаша әрекет етеді. Мысалы, әйел барлық міндеттемелерді өз мойнына алып, ер адамды өзіне бағындырып қоюуы мүмкін.
Неліктен сен үшін бірінші болу маңызды екенін талда. Мәселе мынада болуы мүмкін, жұмыста немесе басқа адамдардың арасында олардан гөрі әлсіз екеніңді сезесің. Негізгі себебін түсінбейінше, өмір сапасын айтарлықтай жақсарта алмайсың.
Тек сен ғана болашаққа жоспар құрасың
Сау қарым-қатынаста екі адам да болашақтары жарқын болғанын қалауы керек. Сондықтан жоспар құрып, олардың орындалуына бірге ат салысады. Егер біреуі екіншісінің тұлға ретінде қалыптасуына кедергі келтірсе және өзі бәрін жасайтынын айтса, онда ол өзіне көп ауыртпашылық алады және ата-ана рөлін атқарады. Ерте ме, кеш пе, мұндай дисбаланс айырылысуға әкеледі.
Жақын адамыңмен қарым-қатынасты сақтау үшін белгілі бір әдеттерді өзгерту керек. Алдымен, ер адамның болашаққа керемет жоспарлар құра алатынына неге күмәнданатыныңды талда. Сен оны бәсекелес ретінде көресің және сенен озып кетуі мүмкін деп қорқатын шығарсың.
Сенің көңілің толмайды
Бала мен ата-ананың байланысына ұқсайтын қарым-қатынаста жүрген әйел қамқорлық пен қолдаудың негізгі көзіне айналады. Ол үнемі бос емес және шамадан тыс жұмыс істейді, сондықтан өзін бақытты сезіне алмайды. Уақыт өте келе өзінің даралығын жоғалтады және армандары мен амбицияларынан алыстай бастайды.
Егер осындай жағдайға тап болсаң, өз мүдделеріңе назар аудар. Хоббиіңді дамыт, спортпен айналыс немесе достарыңмен аралас. Бұл сенің жеке басыңды дамытуға, жұбыңнан тәуелділікті азайтуға және оған өзіңе де қамқорлық жасай алатыныңды көрсетуге көмектеседі.
Ер адам саған тым тәуелді
Егер сенің сүйіктің ыдыс жуғыш машинаның қалай жұмыс істейтінін толық түсінбесе немесе коммуналдық төлемдерді өзі жасамаса, бұл қорқынышты емес. Егер ол өз бетінше шешім қабылдай алмаса және бәрін саған сеніп тапсырса, ойлану керек. Бұл дегеніміз, ер адам сені басты адам ретінде қабылдайды және баланың рөлінде өзін жайлы сезінеді деген сөз.
Онымен бұл жайлы не сезінетінің туралы сөйлес. Бірге жағдайдан қалай шығуға болатынын ойлап, қарым-қатынасқа жаңаша көзқараспен қарап көр. Егер ер адам сенің сезіміңе бей-жай қараса және бұл үшін сені айыптаса, екі жаққа кету туралы ойлану керек.
Фото: Pexels
Дереккөз: HEROINE
