Американдық актриса Анджелина Джоли елде болып жатқан көтерілістерге байланысты, әлеуметтік желілерде иран әйелдер қауымын қолдап жазба қалдырды.
Оларды көтеріліске итермелеген Макса Аминидің өлімі. Оның туыстарының айтуынша, қыз шариғат ережелерінің сақталуын қадағалайтын арнайы полиция жасағы ұстап, ұрып-соғу салдарынан қайтыс болған.
https://www.instagram.com/p/CjEFrjEJqyd/?igshid=YmMyMTA2M2Y=Джоли наразылық ретінде шаштарын кесіп жатқан әйелдердің бірнеше суреттерін жариялады. Соңғы суретте ол былай деп жазды:
«Ирандағы көтеріліс қатарынан 12-ші түнге жалғасуда. Олар 22 жастағы Макси Аминидің өліміне жауап ретінде басталды. Наразылықтар басталғаннан бері арнайы күштер наразылық білдірушілерге аяусыз шабуыл жасады және 70-тен астам адам қаза тапты.
Иранның батыл және қорықпайтын әйелдеріне құрмет білдіремін. Ондаған жылдар бойы аман қалғандардың және қарсылық көрсеткендердің бәрі бүгін көшеге шығады. Әйелдерге моральдық принциптері мен денесін бақылаудың, шектеудің, қайта тәрбиелеудің қажеті жоқ. Оларға зорлық — зомбылықсыз және қауіп-қатерсіз өмір сүру және тыныс алу еркіндігі қажет»,
деді өзінің жазбасында.
Анджелина Джоли өзінің алдағы фильмінде басты рөлдерді сомдауға Сальма Хайек және Демиан Бичираны шақырғаны белгілі болды. Актриса сценарийді өзі жазып, өзі продюсерлік ететін болады.
Фото: Shutterstock
