Қазақстандық режиссер Айсұлтан Сейітовтің 21 Savage & J Cole рэперлеріне арналған бейнебаяны Rolling Stone беделді журналының нұсқасы бойынша «барлық уақыттағы 150 аңызға айналған хип-хоп клиптері» тізімінде болды. Туынды Эминемнің «Stan» және Fugees тобының «Ready or not» рейтингін басып озып, 82-ші орынға ие болды.
Rolling Stone басылымы клипті «жеңіс пен трагедияны қараңғы зерттеу» деп атап өтті:
«A lot клипі Ингмар Бергманның алты минуттық драмасы ретінде ойналады. Отбасы асқа барар алдында махаббат пен күлкімен бөліседі, бірақ флэшбэктер олар жасырған азапты, жарақатты және қайғы-қасіретті ашады».
Ең жақсы хип-хоп бейнелерінің тізімін басылым редакторлары мен музыка сыншыларының тобы жасағанын айта кетейік.
Бұрын американдық Genius сайтының Framework жобасына берген сұхбатында жас режиссер 21 Savage пен танысу тарихымен бөлісті.
деді Айсұлтан Сейітов.«Мен Атлантада музыкалық бейнеклипті түсірген кезде 2018 жылдың қазан айында 21 Savage келді. Бұл менің онымен алғашқы кездесуім болды, ол шамамен екі минутқа созылды. Мен оған өзім туралы айттым, біз түсірілімді талқыладық. Ол өте сыпайы және жағымды жігіт.
Бірнеше айдан кейін, желтоқсанда, жаңа жыл қарсаңында мен жұмысты мүмкіндігінше тез бастау керек екендігі туралы хабарлама алдым. Мен: «Қандай ән?» Маған А Lot екенін айтты»,
Еске сала кетейік, бұған дейін Айсұлтан Сейітов Шанхайдағы халықаралық кинофестивальде үздік режиссер атанған болатын.
Фото: Евгений Шишкин
