Екінші сәбиін күтіп жүрген қазақстандық әнші Мақпал Исабекова жүктіліктің бесінші айында екенін және қазір Шымкентте күйеуі мен ұлымен бірге тұратынын айтты.
Жақында Мақпал Исабекова екінші жүктілігі туралы хабарлады. Әнші «сұрақ-жауап» айдарын ұйымдастырып, оқырмандарымен тілдесті. Мақпалдан жүктілікті жоспарлады ма және жаңалықты қалай қабылдады деп сұрады. «Мен мұны күткен жоқпын. Әрине, балама бауыр керек екенін ойлайтынмын. Өзімде бір баламен тоқтайтын ой болмаған. бірақ Теодор сәл өссе, ең болмағанда 3 жасқа толғанда жүктілікті жоспарлаймын деп ойладым. Бірақ Алла Тағаланың өз жоспарлары бар. Әрине, қуандым», – деп жауап берді ол. Әнші, сонымен қатар, жүктілігі туралы білгеннен кейін жұбайы қандай әсерде болғанын айтты.
«Мен оған тест көрсеткен кезде күйеуім өз көзіне сенген жоқ, бірақ біз оның қалай осылай болғанын талқылап жатқанда бақытты болып күлді»,
деп бөлісті Мақпал.
Жас ана қазір оның күтушісі жоқ екенін және жүкті бола тұра балаға қарау оңай емес екенін атап өтті.
Фото: Instagram
