Pexels: Vera Arsic
Романтикалық қарым-қатынасқа түсе отырып, біз оның мәңгілікке созылатынына сенеміз. Бірақ, өмірде кез келген нәрсе болады және ешкімнен көңілің қалмайтыныңа, ажыраспайтыныңа кепілдік жоқ.
Елестетіп көрші, көп уақыт өткізетін, әлемдегі барлық нәрсені талқылайтын және болашақты бірге жоспарлайтын сүйікті жігітің келіп: «Біз айырылысамыз» деп айтты да, есікті тарс жауып, жоқ болып кетеді.
Ол мелодраманың сюжетіне ұқсайды. Бірақ, іс жүзінде бұл бәрінің басынан өтуі мүмкін. Неліктен?
1. Ол сенің оны бағалайтыныңды сезбейді
Ер адамдар, біз сияқты, мойындағаныңды, назар аударғаныңды, ризашылық көрсеткеніңді қалайды. Егер сен сүйіктіңе оны қаншалықты бағалайтыныңды көрсетпесең, ерте ме, кеш пе қарым-қатынасты бұзады. Сондықтан келесі жолы жақсы көретін адамың үйді жинап, дәмді кешкі ас дайындап немесе сапар ұйымдастырса, оны мақтап, «рахмет» деп айт. Оған өте жағымды болады.
2. Сен бұрынғыдай емессің
Қарым-қатынастың басында әрдайым махаббат сиқыры болады, бірақ уақыт өте келе ол жоғалады. Романтика бәсеңдейді, құмарлық — шаршауға, жағымды тосынсыйлар – теледидар алдына жиналуға айналады.
Жалпы, ұшқын баяу жоғала бастайды. Бұл жігіттер үшін шешуші сәт. Олар үшін жұптың көзінен ынта мен қызығушылықты көру маңызды.
3. Ол сенің бақытсыз екеніңді сезеді
Ер адамдар өздерінің сүйікті әйелін бақытты ететінін сезінуі өте маңызды. Яғни, олардың арқасында екінші жартысының өзін жеңіл ұстайтынын, ашуланбайтынын көргісі келеді. Әйтпесе, «Ол менімен бірге бақытсыз болса, мен оны қинап ұстағым келмейді» деп ойлауы мүмкін.
4. Сендердің өмірге деген мақсаттарың әртүрлі
Мұнда бәрі қарапайым: егер сен, мысалы, көп жұмыс істеп, бүкіл әлем бойынша саяхаттағың келсе және ол елде тұрып, мүмкіндігінше тезірек бала сүйгісі келсе, онда қарым-қатынасты жалғастыру қиын болады. Әрине, бір мәмілеге келуге және екеуіне де ыңғайлы болатын шарттарды талқылауға болады.
5. Сен оны өзгертуге тырысасың
«Оның бұл қасиеті мүлдем ұнамайды, ештеңе емес мен оны түзетіп аламын», — деп ойлайды кейбір қыздар қарым-қатынасқа түскенде. Бірақ, бұл тәсіл түбегейлі дұрыс емес.
Бір-бірінің пікірлері мен хоббилерін ескеру бір басқа, ал оның ыңғайлылығы үшін жеке тұлғаны толығымен қайта құру жақсы ой емес. Ерте ме, кеш пе, ер адам екінші жартысынан осындай қысымды сезінуден шаршайды және одан қашқысы келеді.
Фото: Pexels
Дереккөз: TheGirl
