Қазақстанның алғашқы екі дүркін Паралимпиада чемпионы Давид Дегтярев қазақстандықтарға қолдау көрсеткені үшін алғыс айтып, халқына жылы лебізін білдірді.
Еліміздің туризм және спорт министрлігі Париждегі Паралимпиада ойындарының жеңімпазының видеосын жариялады.
Давид Дегтярев жанкүйерлеріне ризашылығын білдірді.
«Баршаңызға қолдау көрсеткендеріңіз үшін көп рахмет. Мен үшін дұға еткендерге, сенгендерге, үміт артқандарғаһ, мені өсірген, тәрбиелеген және осы күнге жеткізген отбасыма көп рахмет. Менің жаттықтырушым Юрий Николаевич Колесниковқа үлкен алғыс. Қазақстандық халқына рахмет»,
деді Давид Дегтярев.
Бұған дейін президент Қасым-Жомарт Тоқаев Паралимпиада ойындарының екі дүркін чемпионы Давид Дегтяревті құттықтаған болатын.
«Давид Дегтяревті Паралимпиада ойындарының екі дүркін чемпионы атануымен шын жүректен құттықтаймын! Ол ерекше ерік-жігер танытып, жеңіс тұғырынан көрінді»,
деп жазды Мемлекет басшысы өзінің Х әлеуметтік желідегі парақшасында.
Фото: Национальный паралимпийский комитет Республики Казахстан
