Old money стиліндегі киім үлгілері әлі де сәнді.
Әрбір қыз кейде нағыз ақсүйек сияқты көрінгісі келеді. Бұл сән трендіне жақын адамдар үшін біз жазғы гардеробты қалай жинау керектігі туралы ақпарат жинадық, сондықтан алдағыда сенің әр аутфитің қымбат көрінетін болады.
Бір түсті топ
Топ — жазғы гардеробтың негізі. Әдетте кез келген түрі жақсы. Дегенмен, киім үлгісін қымбат ету үшін бірнеше нюанстарды ескеру маңызды. Өнім тығыз матадан тігілуі керек. Мысалы, тегіс тоқылған немесе стрейч. Ең бастысы, мата мөлдір болмауы керек.
Мақта жейде
Кез келген киім үлгісіне үйлесетін тағы бір көрнекі қымбат нәрсе — мақта жейде. Бұл бәрінде бар екеніне сенімдіміз. Өнімнің тым жұқа болмауы және пішінін жақсы ұстауы маңызды. Мұндай модельді белдемшенің немесе шалбардың ішіне салып ки — ақсүйектер көбінесе жейдені осылай киеді.
Ұзын зығыр көйлек
Old money стиліндегі киімді басқасынан ерекшелендіретін ең маңызды талап: сапалы мата. Сондықтан, мұндай талшықтардың қоспасы бар табиғи зығырдан немесе матадан жасалған көйлекке назар аударған жөн. Ең бастысы,етегі классикалық болуы керек. Мысалы, тік немесе денеде жабысып тұратын модельдер қолайлы. Бірақ эксперимент жасама: асимметриялық және деконструкцияланған шешімдер образдың ақсүйектік көңіл-күйін бұзады.
Атлас белдемше
Кез келген сырт киімге талғампаздық қосатын әмбебап киім — атлас белдемше. Матаның жарықта жарқырауы маңызды, күңгірт өнімдер жарамайды. Ұзындығы да маңызды рөл атқарады. Миди немесе макси нұсқаларына тоқта. Қысқа белдемше тым ойнақы көрінеді, ақсүйектер мұндайға мүмкіндік бермейді.
Жилет
Ақсүйектердің шкафтарында трендтерге орын бар. Мысалы, костюм жилет көзге қымбат луктарға өте жақсы сәйкес келеді. Ең бастысы — тығыз және тым ұзын емес болуы керек. Жеңіл ашық түсті нұсқаларды таңдаған дұрыс, бұл аутфитті бірден қымбаттатады.
Фото: Instagram
