Біз саған көлемді шашты қалай жасауға болатынын және күні бойы оны сақтаудың құпияларын айтамыз.
Соңғы кездері біз көлемді шаш үлгілерінің тым көп трендтерін көрдік. 80-ші жылдардағы сәнді көлемді шаш үлгісін қалай жасауға болатынын айтамыз. Қазір жұқа шашты қалың және көлемді етудің көптеген жолдары бар. Біз бөлісуге дайынбыз!
Жеңіл құрылымдарды қолдан
Егер сен көлемді қажет ететін 80-ші жылдардағы шаш үлгісін жасағың келсе, майлы спрейлер немесе нәрлендіретін маскалар сияқты ауыр өнімдерден біраз уақытқа бас тарт. Бұл шашты ауырлатады және көлем ұзаққа созылмайды. Оның орнына жеңіл құрылымдарды таңда. Мысалы, сулы флюидтар. Жалпы, спрейлерді қолданған дұрыс. Олар шашты мойынсұнғыш етеді және көлемнің күні бойы сақталуына көмектеседі.
Шаштың түбіне тиіспе
Егер үлкен көлемге қол жеткізгің келсе, онда шаштың түбіне тек сусабын жақ. Егер ол көлемге арналған болса, керемет болады. Қалғанының бәрі, соның ішінде маскалар, кондиционер және жуылмайтын өнімдер (әсіресе кремдер) тек ұзындыққа жақсы жағылады. Егер олар тамырға түссе, бірден басты майлы, ал шашты ауыр етеді. Мұндай көлем ұзақ сақталмайды. Сондықтан шаш түбінен алыста, сонда көлем керемет болып қана қоймай, ұзақ уақыт сақталады.
Бас терісін жақсылап тазала
Жақсы қан айналымы бар сау шаш фолликулалары жұмсақ және көлемді шаштың кілті болып табылады. Бұл тұста саған пилинг, массаж және жақсы күтім көмектеседі. Мұның бәрі бас терісін жайландырады, қан ағымының жоғарылауына ықпал етеді және шаштың өсуін тездетуге көмектеседі. Сенде қандай тері түрі екенін анықтауға тырыс және теріні жақсы тазартатын дұрыс күтімді таңда. Егер оны анықтай алмасаң, онда шаш маманына немесе трихологқа хабарлас.
Шашыңды басқа жағынан бөл
Егер сен әрқашан шашыңды бір жағына ғана бөлетін болсаң, онда шаш бір бағытта жатуға дағдыланады. Ал оны өзгерту — бұл көріністі сәл сергітудің және шаш үлгісіне көлем қосудың тамаша тәсілі.
Мысалы, жанынан бөлу — жұқа шашқа лезде көлем берудің оңай жолы. Түзі бөлу үшін тарақты немесе саусақтарды қолдан.
Шашыңды төмен қаратып кептір
Бұл әдіс шашты бас терісінен құрғатады, оған көлем мен қаттылық береді. Қиын ештеңесі жоқ: басыңды төмен түсіріп, шашыңды құрғат. Егер сенде бұйра шаш болса, мына әдісті қолдана аласың — бұйраларды ерекше және көлемді ету үшін диффузорды пайдалан. Сондай-ақ, шашты күйдірмеу үшін төмен температураны қолдан (жоғары температура бас терісін көбірек май шығаруға ынталандырады).
Фото: Instagram
