Қазақстан Республикасы Мәдениет және ақпарат министрлігінің қолдауымен DimashAli шығармашылық орталығы «Астана Арена» стадионында Stranger әлемдік туры аясында жеке концерт ұйымдастырады.
Мерекелік шара V Дүниежүзілік көшпенділер ойындары қарсаңында өтеді.
Ол әлеуметтік желіде қуанышты жаңалықпен бөлісті.
«Құрметті достар!
Биыл Астанада 8-14 қыркүйек аралығында V Дүниежүзілік көшпенділер ойындары өткізілмек. Дүние жүзінің 100 ден астам мемлекетінен түрлі сайыстарға қатысу үшін 4 мыңнан астам спортшылар келеді деп күтілуде. Осы әдемі мереке аясында ҚР Мәдениет және ақпарат министрлігінің қолдауымен , «ДимашАли» шығармашылық орталығының ұйымдастыруымен «Астана аренада» менің «Stranger» атты жеке концертім өтеді. Билеттер сатылымына қатысты ақпарат жақын күндері беріледі. Менің ресми аккаунттарыма назар аудара жүріңіздер.
Концертте кездесейік, достар!»,
деп жазды әнші.
Әртістің жанкүйерлері іс-шараны асыға күтетіндерін жарыса жазды.
Фото: Instagram
