Жұқа шаш әлі ең жаман құбылыс емес. Мүмкін сенің шашың күтімде төмендегідей қателіктер жібергендіктен нашар көрінуі мүмкін.
Міне, сен жұқа шашқа күтім жасау кезінде аулақ болу керек үқ қателік.
Сұлулық өнімдері тым көп
Әрине, жұқа шаш сау және күшті болу үшін ерекше күтімді қажет етеді. Дегенмен, әртүрлі маскаларды, көбіктерді және басқа өнімдерді шамадан тыс пайдалану да кері әсер етуі мүмкін. Тым жиі жуу немесе тым көп өнімдерді пайдалану бас терісінің құрғауына және шаштың сынғыш болуына әкелуі мүмкін. Сондай-ақ, шашты кептіруден және түзетуден аулақ болуың керек, өйткені ыстық шашқа қосымша стресс береді. Оның орнына жұмсақ күтім құралдарын қолдану және шашты бірнеше күнде бір рет жуу ұсынылады. Шашқа арналған лак, мусс және құрғақ сусабын сияқты күтім өнімдері де шашта қалады және шаштың онсыз да жұқа құрылымын бұзады.
Бас терісіне жасалатын күтімнің болмауы
Жұқа шаш көбінесе сезімтал және тез майланатын болады. Сондықтан шаштың өзі ғана емес, бас терісі де күтімді қажет етеді. Өйткені, ол әдемі және күшті шаштың кепілі. Тұрақты күтім қан айналымын ынталандырады, бұл өз кезегінде шаштың өсуіне ықпал етеді. Құрғақ немесе тітіркенген бас терісі қайызғақ пен қышуды пайда болдыруы мүмкін, бұл ыңғайсыздық тудырады және шашты қатайтады, оның көлемін жоғалтады. Бұл тұста шаштың түбін нығайтатын арнайы сусабындар мен бас терісіне арналған өнімдер көмектесе алады.
Шашты жиі жуу
Жұқа шаш өте нәзік және тез сынуы немесе түсуі мүмкін. Осы себепті шашыңды жиі сусабынмен жууға болмайды. Өйткені, бұл жағдайды нашарлатуы мүмкін. Сонымен қатар, сусабындағы химиялық ингредиенттер қосымша стрессті тудырады және шашты зақымдайды. Шашыңды жұмсақ сусабынмен екі-үш күн сайын ғана жуу ұсынылады. Мұндай тұрақты күтім шашты нығайтады және оған көбірек көлем береді.
Фото: Pexels
