Тамақтанудың бұл түрі пайдалы деп саналады.
Егер сен ұйықтамас бұрын миллион сағат бойы аунап, түн ортасында оянып, күндіз мазасыздансаң, психологқа жазылмай тұра тұр. Мұның бәрі сенің диетаңнан болуы мүмкін. Бұл туралы жүрек-қан тамырлары маманы Джеймс Диниколантонио айтады.
«Тұзы аз диетаға отыратын адамдардың ұйқысы жиі нашарлайды», — деп түсіндіреді ол. Көбінесе адамдар тұздан бас тартады, өйткені оның көп мөлшері ісінуді, жүрек-қан тамырлары ауруларын, асқазанның қабынуын тудырады, қан қысымын жоғарылатады және бүйрек функциясының бұзылуына ықпал етеді.
Егер сен тұздан мүлдем бас тартсаң, денсаулыққа зиян келтіруің мүмкін. «Тұздың жетіспеушілігі натрий қорының тез сарқылуына әкеледі, онымен бірге жүйке жүйесінің жұмысын қолдайтын магний мен кальций денеден шығарылады. Дене стрессті сезіне бастайды», — деп түсіндіреді Диниколантонио. Сондықтан адамдарда ұйқы проблемалары мен нервоздық пайда болады.
ДДСҰ ересек адам үшін күніне тұзды тұтынудың физиологиялық нормасы 4-5 грамм — шамамен бір шай қасық екенін еске салады.
Фото: Pexels
