Қазақстандық әнші RaiM Қасым-Жомарт Тоқаевтың креативті индустрия өкілдерімен кездесуіне шақырту алды. Әртістің жұбайы Ерке Есмахан Instagram-да президенттің сыйлығын көрсетті.
Естеріңе сала кетейік, мемлекет басшысына музыка, әлеуметтік желілер, киноиндустрия, жасанды интеллект және киберспорт салаларындағы бірқатар табысты отандық жобалар ұсынылды. Райымбектің әйелі, танымал әнші Ерке Есмахан президенттен алған сыйлығын көрсетті. Insta-стористегі фотосуреттерде қаламы бар дәптерді, мемлекеттік Елтаңба мен «Qazaqstan» деген жазуы бар сағатты, сондай-ақ Қасым-Жомарт Тоқаевтың ашықхатын көруге болады.
«Кешегі президенттің сыйлыққа не бергенін мен көрсетпесем сіздерге оны RaiM көрсетпейді. Сол үшін маған жарайсың деп қойыңыздар»,
деп күлді Ерке.
Фото: Instagram
Поделиться:
