«Қазақстан аруы-2022» байқауының жеңімпазы және «Әлем аруы-2023» байқауына еліміздің атынан баратын Томирис Кәкімова белгілі қазақстандық орындаушы Димаш Құдайберген сыйға тартқан домбыраны қайырымдылық аукционға қоюға дайын.
Бұл туралы ару әлеуметтік желілерде хабарлады. Томирис Кәкімованың айтуынша, музыкалық аспапта Димаш Құдайбергеннің қолтаңбасы бар. Аукцион «Әлем аруы» байқауы аясында өтеді. Барлық түскен қаражат байқаудың ұйымы жүзеге асыратын түрлі жобаларды қолдауға бағытталады. Сайыстың әрбір қатысушысы өз елінен қайырымдылық аукционына бір нәрсе қоюға міндетті.
«Әлем аруы» байқауының аясында қайырымдылық аукционында тек музыкалық аспапты ғана емес, біздің мәдениетіміздің нағыз символы, Димаш Құдайбергеннің қолтаңбасы бар домбыраны мақтанышпен ұсынамын. Бұл қимыл терең мағынаға ие, өйткені 2018 жылы сол платформада өнер көрсеткен Димаш көрермендердің жүрегінде өшпес із қалдырды, бізді жаңа жетістіктерге шабыттандырды»,
деп жазды ол Instagram-да.
Томирис Кәкімова қайырымдылық аукционы Қазақстанның әлемдік аренадағы табысына тағы бір қадам жақын болатынын атап өтті.
«Біз бірге Қазақстанның мақтанышы мен бірегейлігін халықаралық аренада одан да жоғары көтере алатынымызға шын жүректен сенемін. Табысқа және оң энергияға толы домбыра біз үшін сәттіліктің талисманы ғана емес, сонымен бірге асыл мақсаттарға бағытталған бірлескен күш-жігердің күшін еске салады. Бұл аукцион қайырымдылық бастамаларға елеулі үлес қосып қана қоймай, әлемдік сахнадағы ұжымдық табысқа тағы бір қадам жақын болатынына сенімдімін»,
деп Томирис.
Фото: Instagram
