Мәдениет және спорт министрлігінде еліміздің – Бурабай мен Қонаев курорттық орталықтары кірмеген Қазақстанның 5 ең «туристік» қалалары туралы айтты. Туристер ірі қалаларға артықшылық беретіні анықталды.
Бесінші орында Ақтау қаласы. Оған 2023 жылдың қаңтар сәуір айлары аралығында 226 мың қонақ келген. Оған қоса, «Каспий інжу-маржаны» жазғы маусымға жақын туристерді көбірек тартатынын атап өтті.
Төртінші орынды Атырау. 2023 жылдың төрт айында 305 мың адам келген. Өңірде «Сарайшық» визит-орталығы ашылды, онда туристерді Қазақ хандығы, Алтын Орданың және одан бұрынғы дәуірлердің тарихымен таныстырады.
Қазақстанда туристер саны бойынша көшбасшылар үштігіне Шымкент кірді. Қалаға 346 мыңнан астам қонақ келді, олар жергілікті демалыс орталықтарына немесе тарихи орындарды көруді жоспарлаған.
Екінші орын 2023 жылдың қаңтар сәуір айлары аралығында 951 мың қонақ келген Астанада болды. Министрлік елордада Қазақстандағы ең ірі музей – «Бозоқ» құрылысы жүріп жатқанын түсіндірді.
Елдегі туристер үшін ең танымал орын Алматы болды. 2023 жылдың төрт айында оған шамамен 1,1 миллион адам келді. Ведомство шетелдік туроператорлармен жұмыс жүргізе отырып, қаланың туристік әлеуетін ашуды жоспарлап отыр. 2023 жылдың қаңтар сәуір айлары аралығында Қазақстанда жалпы 3,5 миллион адам саяхаттаған.
Фото: Pexels
