Ай сәуірде шаш қию туралы не айтады? Біз саған шаш қию үшін қолайлы және қолайсыз күндер туралы ақпарат дайындадық.
Жақында көктемгі күн мен түннің теңелу күні өтті. Осы уақыт ішінде ескінің бәрінен құтылу пайдалы. Егер шаш қию үшін дұрыс күнді таңдасаң, шаш тез өседі.
Неліктен біз ай күнтізбесіне назар аударамыз? Ежелгі заманнан бері адамдар айдың аспандағы орны табиғатқа қалай әсер ететінін байқады: желдер, толқындар, өсімдіктердің өсуі және адамның әл-ауқаты. Содан кейін ғалымдар жердің спутнигінің циклдары арқылы, тіпті, магниттік дауылдарды болжауға болатындығын анықтады. Сондықтан сен болжамға сенімді түрде құлақ аса аласың: егер жұлдыздарға толық сенбесең де, жай ғана ескере жүр.
Шаш ұштарын кесуге қолайлы күндер
Жазғы демалысқа дейін шашты мүмкіндігінше өсіру үшін ұштарын уақытында кесу маңызды. Осылайша, бас құрғақ немесе ұштанған «артық жүктемеден» босатылады.
Бұл мәселеде айдың қолдауына ие болу үшін 10, 11, 13 және 18 сәуірде шаш ұштарын кес. Бұл күндері кем дегенде екі сантиметрді кесіп тастауға кеңес береді — осылайша проблемалар мен көңілсіз ойлар сенен кетеді.
Қысқа шаш қиюға арналған қолайлы күндер
Қысқа шаш қию — бұл «дүйсенбіден жаңа өмір бастаймын» деген сияқты әңгіме, бірақ ол шынымен де жұмыс істейді. Мәселе мынада, жаңа шаш үлгісімен біз де басқаша сезіне бастаймыз. Біреуге ол батылдықты, біреуге әйелдік жеңілдік пен нәзіктікті алып келеді.
Сондай-ақ, қысқа шаш сырт бейненің өзгеруіне ықпал етуі мүмкін.
Сәуір айында қысқа шаш қию үшін ең жақсы күндер 1, 19, 20 және 30-да болады.
Шашпен тәжірибе жасау үшін қолайлы күндер
Әдетте, стильдің кенеттен өзгеруіне тек шығармашылық адамдар ғана барады. Бірақ, көктемде бұл стереотип жойылады: барлық қыздар кем дегенде ерекше көрінгісі келеді. Сондықтан, егер сен қатты өзгеріс жасауды шешсең немесе шашыңның түсін өзгерткің келсе, 3, 9, 16 және 29 сәуірде шаш шеберіне жазыл.
Шаш қию үшін қолайсыз күндер
Ғарыш бізге қиындықтарға араласпау және үнсіз қалу жақсы екенін анық көрсететін күндер бар. Мұндай сандар әдетте елеулі мәмілелер, қозғалыстар және шаш қию үшін қолайсыз. Сәуірде олар бізді 5, 7, 26 және 28 күндері күтеді.
Егер дәл осы күні сен шаш маманына жазылсаң — жаңа шаш үлгісінің орнына күтім процедураларын таңда.
Фото: Spotlight
