Келешегі зор қазақстандық теннисші Асылжан Арыстанбекова жасөспірімдер арасындағы Australian Open-де өзінің алғашқы ойынын өткізді. Турнирдің бірінші айналымында ол жергілікті спортшы Талия Коккиниспен кездесті.
ITF жасөспірімдер рейтингінде 56-шы орында тұрған Алматыдан келген 17 жастағы теннисші 15 жасар Коккинистен ұтылды, ол әлемдік рейтингтер кестесінде 283-ші орында — 1:6, 4:6.
Талия және Асылжан үшін де бұл үлкен дебют. Енді екінші айналымда жергілікті теннисші болгар спортшысы Ива Ивановамен даниялық Лаура Брункель арасындағы матчтың жеңімпазымен ойнайды.
Айта кетейік, Коккинис мансабында алғаш рет Қазақстаннан келген қарсыласын жеңді. Бұған дейін ол Соня Жиенбаева мен Полина Слепцовадан жеңіліп қалған.
Жеңіліске қарамастан, Арыстанбекованың Мельбурндағы ойындары аяқталған жоқ. Ол жұптық разрядта ойнайды, онда ол ресейлік Юлия Перепелкинамен дуэт жасайды.
Фото: Instagram
Поделиться:
