Instagram: @saken_mamash
Астана полиция департаменті жұбайын ұрды деп айыпталған бұрынғы дипломат Сәкен Мамашқа қатысты қылмыстық істі тергеудің егжей-тегжейін хабарлады.
Ведомствоның баспасөз қызметі өткен жылы Құқық қорғау органдары Қазақстан елшілігінің бұрынғы кеңесшісіне қатысты жұбайына жүйелі түрде ұрып-соғу фактісі бойынша қылмыстық іс қозғағанын еске салды.
«Полиция жедел-тергеу тобын құрды. Болған оқиғаның барлық мән-жайларын анықтау үшін қажетті сараптамалар кешені жүргізілді. Айтарлықтай дәлелдемелік база жиналып, бекітілді»,
делінген департамент хабарламасында.
Тергеу қорытындысы бойынша тергеу соты күдіктіні қамауда ұстау түріндегі «бұлтартпау» шарасын таңдады.
Тергеу мүддесінде сотқа дейінгі тергеп-тексерудің өзге де мәліметтері жария етілмейтінін мәлімдеді.
Еске сала кетейік, 2024 жылдың мамыр айында «НеМолчи.kz» қорының парақшасында БАӘ-дегі елшіліктің кеңесшісі Сәкен Мамаш әйелін үнемі ұрып-соғатыны туралы ақпарат пайда болды. Қазақстан Сыртқы істер министрлігі бұл оқиғаға қатысты дипломаттың елге шұғыл түрде шақырылатынын айтты.
Кейін зорлық-зомбылық туралы хабарлаған елшілік қызметкерінің жұбайы Карина Мамаш та БАӘ-ден қайтарылатыны белгілі болды. Оны әуежайда күйеуінің туыстары күтіп алған.
Фото: Instagram
Дереккөз: Tengri News
