Бұған дейін олардың арасында 39 жастағы әншінің топтың мерейтойлық концертіне қатысудан бас тартуына байланысты түсініспеушілік туындаған болатын.
11 мамырда продюсер Instagram Stories-те ашық ойын жеткізді.
Алагөзова «Коктейль для звезды» фильмінен үзінді жариялаған. Аталған фильмде басты рөлдердің бірін сомдаған Әуелбекова продюсерінен кетіп бара жатқан көрініс көрсетіледі.
«Суға қарап болжағандай екен ғой?! “Мен саған ана болмаспын, бірақ сені жасаған мен!” — осы фильмдегі жақсы цитата», —
деп жазды тележүргізуші.
Сондай-ақ, Алагөзова өзінің қыздар тобына арналған деректі фильмнің үшінші бөлімі 22 мамырда жарыққа шығатынын айтты.
«Адам өзі су ішіп отырған құдыққа түкірсе, оның соңы әрдайым сәтті бола бермейді ғой?! Сұхбат өте қатты, шынайы әрі аяусыз болды!» —
деді продюсер Әуелбекованың әрекетіне қатысты пікір білдіріп.
Фото: Instagram
