Sportarena.kz мәліметінше, қазақстандық спортшы Венгрия өкілі Амарисса Тотпен (әлемдік рейтингте 361-орын) жұп құрған.
Бірінші айналымда Құламбаева мен Тот Беларусь теннисшісі Александра Скопец пен польшалық Ганна Янковскаядан басым түсті.
Кездесу небәрі 45 минутқа созылды. Нәтижесінде қазақстандық-венгриялық жұп қарсыластарын екі сетте 6:1, 6:0 есебімен ойсырата жеңді. Бұған дейін бұл жұптар бір-бірімен кездеспеген болатын.
Осы жеңістің арқасында Жібек Құламбаева мен Амарисса Тот турнирдің ширек финалына жолдама алды. Келесі кезеңде олар Польша өкілі Доминика Фейстель мен Мексика теннисшісі Мария Кано жұбы мен польшалық Оливия Гниевковская мен София Гусар арасындағы кездесудің жеңімпаздарымен кездеседі.
Фото: Instagram
