Мереке дүйсенбіге сәйкес келгендіктен, ел тұрғындарының бір бөлігі қатарынан үш күн демалады. Төменде шілде айындағы жұмыс және демалыс күндерінің күнтізбесі.
2026 жылы Астана күніне орай қазақстандықтар неше күн демалады?
6 шілдеде Қазақстанда Астана күні атап өтіледі. Заңға сәйкес бұл – ел тұрғындары үшін ресми мереке әрі демалыс күні.
2026 жылы Астана күні дүйсенбіге түсетіндіктен, қазақстандықтар айдың басында қатарынан бірнеше күн демалу мүмкіндігіне ие болады.
Бес күндік жұмыс аптасымен еңбек ететіндер үшін:
- 4 шілде (сенбі) – демалыс;
- 5 шілде (жексенбі) – демалыс;
- 6 шілде (дүйсенбі) – мерекелік демалыс.
Осылайша, бес күндік жұмыс аптасымен жұмыс істейтін қазақстандықтар 4–6 шілде аралығында қатарынан үш күн демалады.
Алты күндік жұмыс аптасымен еңбек ететіндер үшін:
- 4 шілде (сенбі) – жұмыс күні;
- 5 шілде (жексенбі) – демалыс;
- 6 шілде (дүйсенбі) – мерекелік демалыс.
2026 жылдың шілдесінде қанша жұмыс және демалыс күні болады?
Бес күндік жұмыс аптасы кезінде шілде айында:
22 жұмыс күні, демалыс күні.
Алты күндік жұмыс аптасымен еңбек ететіндер үшін:
26 жұмыс күні, 5 демалыс күні.
Шілде айында қандай атаулы күндер бар?
Астана күнінен бөлек, Қазақстанда шілде айында мынадай кәсіби және атаулы күндер атап өтіледі:
- 2 шілде – Дипломатиялық қызмет күні;
- шілденің бірінші жексенбісі – Ұлттық домбыра күні;
- шілденің бірінші жексенбісі – Теңіз және өзен көлігі қызметкерлері күні;
- 7 шілде – Қазақстан қолөнершілері күні;
- 9 шілде – Су шаруашылығы қызметкерлері күні;
- 9 шілде – Табиғи монополиялар саласы қызметкерлері күні;
- 10 шілде – Ветеринариялық қызметкер күні;
- 13 шілде – Қазақстан Республикасы Ұлттық қауіпсіздік органдары күні;
- шілденің екінші жексенбісі – Балық шаруашылығы қызметкерлері күні;
- 14 шілде – Нотариат күні;
- шілденің үшінші жексенбісі – Металлург күні;
- шілденің төртінші жексенбісі – Сауда қызметкерлері күні.
Демалыс жоспарлағандарға нені білу маңызды?
2026 жылы шілде айы еңбек демалысын рәсімдеуге ең қолайлы кезеңдердің бірі саналады. Себебі бұл айда 22 жұмыс күні бар. Бұл – жыл ішіндегі ең жоғары көрсеткіштердің бірі. Әдетте, жұмыс күндері көп болатын айларда жалақы мен демалыс ақысының арасындағы айырмашылық барынша аз болады.
Фото: Pexels
