Әншінің жұбайы мен жақын достары қуанышты сәтке арнайы жиналды. Бұл жайлы жас жұп Instagram парақшаларында бөлісті.
«Қайырлы, бақытты таң. Бөлісетін фото, видео көп. Шүкір, үйге жаңа статуспен кіріп келдік, бақыттымыз. Тілеген тілектеріңізді оқып, қуанып жатырмыз. Сіздерге де жұғысты болсын»,
– деп жазды Әйгерім.
Әнші Балжан Бидаш та қуанышты сәттің куәсі болды. Ару перзентханадан шығарып алу сәтінен сурет жүктеп, әріптесін құттықтады.
«Айри құрбым мен Нұркен досым нәзік қыздың ата-анасы атанды. Кеше перзентханадан шығардық. Өте қуаныштымын, алтындарым», –
деді Балжан.
Жаңа туған сәбиіне жұлдызды жұп Зере деген есім берген.
Айта кетейік, өткен жылдың желтоқсан айында Әйгерімге сүйіктісі Шанхай қаласында тұрмысқа шығуға ұсыныс жасаған еді. Кейін ерлі-зайыптылар мешітте некелерін қидырып, отбасылық өмірге бірге қадам басқан болатын.
Фото: Instagram
