Бұл жаңалығымен ол өз Instagram парақшасында бөлісіп, марапаттау сәтінен бейнежазба жариялады.
Әнші бұл марапаттың тек өз еңбегінің ғана емес, өзіне сеніп, қолдау көрсеткен жандардың ортақ еңбегінің нәтижесі екенін атап өтті.
«Бұл марапат – менің ғана емес, менімен бірге еңбек еткен, маған сенім артқан Анамның, ұстаздарымның, отбасымның және жолдасымның қолдауының нәтижесі. Рахмет!», –
деп жазды Динара Сұлтан.
Сондай-ақ ол барлық қазақстандықтарға ризашылығын білдіріп, «Қазақстанның еңбек сіңірген қайраткері» төсбелгісі мен куәлігін алу сәтін көрсетті.
Әншіні бұл жетістігімен шоу-бизнес өкілдері мен достары да құттықтады. Олардың арасында Диана Исмаил, Аида Кауменова және басқа да танымал тұлғалар бар.
Әлеуметтік желі қолданушылары да жылы лебіздерін білдірді.
«Динара, құтты болсын! Еңбегің жана берсін!», «Өте қуаныштымын! Өзiңді және отбасыңды құттықтаймын!», «Әрдайым биіктерден көріне бер», «Керемет жаңалық» – деп жазды олар.
Фото: Instagram
