Ерке Есмахан желіде қымбат әрі құнды затын оқырмандарының біріне сыйға тартамын деп уәде берген болатын. Әнші сөзінде тұрып оқырманына өзінің жанына жақын бренд сөмкесін сыйлады.
Әнші ойлана келе, Fendi брендінің сөмкесін оқырманына тарту етті. Оның бағасы шамамен 1,5 млн теңгеге жуық. Еркенің қымбат сыйлығы 4 баланың анасына бұйырған.
«Уәде еткен сыйлық таңдалды. Бұл сөмкемді біраз елге, жерге, қуанышқа ұстаппын. Fendi брендінен алғанмын. Сөмкенің қазіргі бағасы — 1 млн 472 500 теңге. Жеңімпазымыз — 4 ұлдың анасы. Ақкөңіл, сыпайы, әдемі келіншек екен. Парақшасын көріп, қуанып кеттім. Құттықтаймын. Бұйырған жанға қуаныш, бақыт, байлық ала келсін. Осы сөмкемен дүниежүзін аралаңыз. Қатысқандарыңызға рақмет! Енді жиі сыйлық сыйлап тұратын боламын»,
деп жазды Ерке Instagram-дағы парақшасында.
Фото: Instagram
