Сәнді жылы киім алу маңызды. Бірақ жылы ұстайтын бұйымдарды ұмытпау керек. Қыс мезгілінде олар екі міндетті атқарады: суықтан қорғайды және қарапайым лукты сәнді етеді. Біз осы маусымда негізгі инфлюенсерлердің киім үлгілерін зерттеп, назар аударуға тұрарлық нұсқаларды жинадық.
Клош қалпақ
Биыл Miu Miu ұсынысымен трендке қайта оралып, клош (немесе қоңырау тәрізді) қалпақтары сәнге енді. Бұл ретро-модель 1920 жылдарды еске салады. Шет жағынан қарағанда, ол жылы панамаға ұқсайды, бірақ «қоңырау» стилінде етегі тек сәл кеңейеді. Сонымен қатар, бұл бас киім қас пен құлақты жауып, сәнді ғана емес, ыңғайлы болып келеді. Ең бастысы — астарлы тығыз нұсқаларын таңдау.
Жүннен тоқылған орамал
Сенің гардеробыңда классикалық бини қалпақ бар екеніне сенімдіміз. Сондықтан екінші, жылы әрі назар аударатын бас киім сатып алу орынды. Тамаша нұсқа — жүннен тоқылған орамал. Оның жіңішке, тегіс тоқыма болуы маңызды. Аталмыш бас киіммен сәнді көріну оңай. Көлемді декор, принт немесе ашық түстерді қолданбаған жөн.
Шарф-кейп
Осы маусымдағы тағы бір тренд – кейптер. Дегенмен, қысқы уақытта қолдарына ойықтары бар сырт киімді кию ыңғайлы емес, егер сен тек көлікпен жүрмесең. Оның орнына тығыз және кең шарф алып, оны кейп сияқты киюге болады. Көп жағдайда мұндай шарфтар көрпеге ұқсайды. Олар жүннен немесе тығыз трикотаждан тігіледі. Түрлі-түсті және принтті нұсқалар ескіреді, сондықтан қарапайым, әмбебап түстерді таңдаған дұрыс.
Балаклава
Сәннен ешқашан шықпайтын бас киім — балаклава. Толық беті ашылатын нұсқаларын таңдаған жөн, себебі олар бет бояуын бұзбайды және функционалды. Өткен жылы трендтегі модельдер кристалл немесе бантикпен әшекейленсе, биыл минимализмге мән берген дұрыс. Егер тегіс тоқылған қарапайым нұсқалар саған тым қарапайым көрінсе, «қисық» немесе үлкен ілмектермен тоқылған балаклаваларға назар аудар.
Фото: Instagram
Дереккөз: Grazia
