Қазақстан Республикасы Үкіметінің баспасөз қызметінің 2026 жылғы 29 маусымдағы мәліметіне сәйкес, Аида Балаева Бибісара Асаубаеваның отандық шахмат спортын дамытуға, жастар арасында зияткерлік ойындарды насихаттауға және халықаралық аренада Қазақстанның беделін нығайтуға қосқан елеулі үлесін атап өтті.
Бибісара Асаубаева – әлемдегі ең атақты әрі табысты шахматшылардың бірі. Оның жетістіктерінің қатарында блиц шахматынан үш дүркін әлем чемпионы атануы, тарихтағы ең жас блицтен әлем чемпионы ретінде Гиннестің рекордтар кітабына енуі, сондай-ақ жуырда Норвегияда өткен беделді Norway Chess супертурнирінде жеңіске жетуі бар.
Айта кетейік, «Барыс» ордені мемлекеттілікті нығайтудағы, қоғамдық және әлеуметтік-мәдени қызметтегі ерекше еңбегі, сондай-ақ халықтар арасындағы ынтымақтастықты дамытуға және мемлекеттер арасындағы достық қарым-қатынасты нығайтуға қосқан үлесі үшін табысталады.
Еске салсақ, 2025 жылғы 31 желтоқсанда Мемлекет басшысы Қасым-Жомарт Тоқаев Бибісара Асаубаеваны блиц шахматынан әлем чемпионатындағы жеңісімен құттықтап, оны II дәрежелі «Барыс» орденімен марапаттау туралы Жарлыққа қол қойған болатын.
Фото: Instagram
