Unsplash: hessam nabavi
Бүгінде смартфон біздің күнделікті өміріміздің ажырамас бөлігіне айналды. Балалар да барған сайын ата-аналарынан жеке телефон сыйлауды жиі сұрайды.
Алайда әке-шешенің көкейінде орынды сұрақ туады: қай жастан бастап бұл қауіпсіз әрі пайдалы болмақ? Психологтар мен педиатрлар ерте жастан гаджет қолдану баланың дамуына, зейініне және ұйқысына әсер етуі мүмкін екенін ескертеді. Дегенмен баланы технологиядан мүлде оқшаулап ұстау да мүмкін емес.
Педиатрлар мен психологтардың кеңесі:
- 3 жасқа дейін — телефон қажет емес. Тек ата-ананың қатаң бақылауымен қысқа мультфильмдер көруге рұқсат.
- 4–6 жас — планшет немесе телефонды тек дамытатын ойындар үшін күніне 15–20 минуттан артық пайдаланбаған жөн.
- 7–9 жас — байланыс құралы ретінде жеке телефон ұстауға болады, бірақ міндетті түрде ата-ананың бақылауымен және уақыт шектеуімен.
- 10–12 жас — смартфон сеніп тапсыруға болады, алайда интернеттегі қауіпсіздік ережелерін балаға түсіндіру өте маңызды.
Мамандардың айтуынша, бастысы — баланың телефон иеленуі емес, оны қанша уақыт және қандай мақсатта қолданатынында.
Фото: Unsplash
Дереккөз: Almaty.tv
