1. Жаңа аяқ киімді бірден күні бойы киме
Жаңа аяқ киімді сатып алған күні ұзақ уақыт киіп жүру – ең жиі жіберілетін қателіктің бірі. Алғашқы күндері оны үйде 20–30 минуттан киіп көр, кейін уақытын біртіндеп ұзарт. Осылайша матасы жұмсарып, аяқтың пішініне бейімделе бастайды.
2. Өкшең қажаса, қорғаныс құралдарын пайдалан
Егер аяқ киім өкшеңді қажайтын болса, оны кимес бұрын арнайы жабыстырғыш немесе силикон жапсырмасын қолдан. Олар үйкелісті азайтып, теріні қажалу пен тітіркенуден қорғайды. Ал өкше тұсындағы қатты қонышты қолмен абайлап бірнеше рет бүгу де материалды жұмсартуға көмектеседі.
3. Аяқ киімді дұрыс тәсілмен жұмсарт
Табиғи былғарыдан тігілген аяқ киімге арнайы созуға арналған құралдарды қолдануға болады. Құралды аяқ киімнің ішкі бетіне жағып, үй ішінде біраз уақыт киіп жүр. Бірақ бұл әдіс барлық материалға бірдей жарамайды, сондықтан өндірушінің ұсынымдарын алдын ала тексерген жөн.
4. Қалың шұлық киіп көр
Кеда, спорттық аяқ киім, лофер немесе бәтеңкені үйде қалың шұлықпен кию материалдың сәл кеңеюіне көмектеседі. Ең бастысы – аяқ киімді бір күнде созуға тырыспа. Біртіндеп жұмсарту аяқ киімнің де, аяқтың да саулығы үшін қауіпсіз.
5. Қажалған аяққа күтім жаса
Егер аяғың қажалып, қабыршық пайда болса, жараны антисептикпен өңдеп, пластырьмен жап. Жара толық жазылғанша кең әрі жайлы аяқ киім киген дұрыс. Ал сұйықтық жиналған көпіршікті қажет болмаса теспеген жөн – зақымданбаған тері жараны инфекциядан қорғап, оның тезірек жазылуына көмектеседі.
Фото: Instagram
Дереккөз: TheGirl
