Жыныстық қатынас пен ақша
Тағы бір зерттеу нәтижесі көрсеткендей, жыныстық қатынас ақшаға қарағанда маңыздырақ. Бұл жолғы ғылыми жұмыс ауқымды болмағанымен, мазмұнды болды: ғалымдар ұзақ уақыт қарым-қатынаста жүрген 335 адамнан сауалнама алған. Нәтижесінде жылдық табысы 15–25 мың доллар аралығындағы және аптасына бір рет жыныстық қатынаста болатындардың, айына бір-ақ рет жақындыққа түсетін табысы 50–75 мың долларлық респонденттерден әлдеқайда бақытты екені анықталды.
Ғалымдардың пікірінше, «аптасына бір рет» ережесінің сыры қарапайым: ерлі-зайыптылардың бір-біріне артық талап қоймауы оларды қысымнан арылтады, ал қысым — жыныстық қатынастың сапасын төмендететін фактор. Сондықтан күнтізбеге белгі қойып, міндетті түрде жоспарлаудың қажеті жоқ. Ең бастысы — жақындық екеуіңе де шын ниеттен қажет болған кезде орын алғаны дұрыс. Сирек жақындасу — жаман дегенді білдірмейді.
Көпшілік жиі жыныстық қатынас — қарым-қатынастың тамаша екенінің белгісі деп ойлайды. Ал егер күнде болмаса, міндетті түрде аяушылық танытып, кейде тіпті «Күйеуіңді аясаңшы, осылай жалғаса берсе, міндетті түрде көңілдес табады» деген сияқты пікірлер естіп қаласың.
Күтпеген статистика
Шын мәнінде, бақытты қарым-қатынас үшін жыныстық қатынас міндетті түрде жиі болу керек пе? Жоқ. Жақында АҚШ-тың Жеке тұлға мен әлеуметтік психология қоғамының мамандары 30 мың ерлер мен әйелдерге сауалнама жүргізіп, қаншалықты интим қарым-қатынастың жиілігі бақытты неке кепілі болатынын анықтады.
Зерттеу нәтижесі бойынша белгілі бір деңгейге дейін жыныстық қатынастың жиілігі бақыт, сүйіспеншілік пен қарым-қатынасқа қанағаттану сезімімен байланысты екені рас. Алайда бұл байланыс бір сәттен кейін жоғалады: мамандардың айтуынша, аптасына бір рет жыныстық қатынаста болатын адамдар қарым-қатынасына әлдеқайда жиі жақындыққа түсетіндер сияқты қанағаттанған.
Сонымен қатар мамандар қарым-қатынастағы эмоционалды байланыстың ерекше рөлін атап өтті. Күнделікті құшақтау, сүйісу, бір-біріне жанасу да жыныстық қатынас сияқты маңызды. Дәл осы әрекеттер адамның сүйікті екенін сезінуге мүмкіндік береді. Ал жынысың, жасың немесе қарым-қатынастың ұзақтығы ешқандай рөл атқармайды: «аптасына бір рет» ережесі кез келген жастағы жұпқа жарайды.
Фото: Pexels
Дереккөз: Voice
