Sportarena.kz жазғандай, Елена Рыбакина рейтингтегі екінші орнын сақтап қалды (8555 ұпай).
Беларусь өкілі Арина Соболенконың еншісінде қазір 10110 ұпай бар. Үшінші орынға польшалық Ига Швёнтек жайғасты (6948 ұпай). Төртінші орында АҚШ спортшысы Коко Гауфф (6749 ұпай).
Мадрид турнирінің 1/8 финалында Рыбакинаны жеңген Анастасия Потапова 18 сатыға жоғарылап, 38-орынға көтерілді (1355 ұпай).
Ал Мадридтегі «мыңдық» турнирдің жеңімпазы, украиналық Марта Костюк сегіз позицияға жоғарылап, 15-орынға жайғасты (2507 ұпай). Финалда одан жеңілген ресейлік Мирра Андреева сегізінші орыннан жетінші орынға көтерілді (4181 ұпай).
Фото: Instagram
