Әртістердің бірлесіп өнер көрсеткен бейнежазбасы Instagram-да жарияланды. Нұрболаттың жеке концертіне арнайы шақырылған қонақтардың бірі – Say Mo болды.
Сахнада Нұрболат өзінің хит әні «Сен қорқақсың»-ды орындап жатқанда, Say Mo жарқын биімен көрерменді қуантты. Әншіге ілесе, Нұрбуллин де сахнада би қимылдарын көрсетті.
Бұл нөмір кешке жиналған тыңдарманды да, әлеуметтік желі қолданушыларын да қуантты. Шоу-бизнес өкілдері мен әншінің оқырмандары бұл дуэтті қызу талқылады.
«Ең үздік фит», «Джей Ло-дан қалыспаймыз», «Өте керемет, биіңіз жарасымды, энергия тасып тұр», «Шоу деген осы!», «Say Mo-ға бәрі жарасады», – деп жазды желі қолданушылары.
Дегенмен, кейбіреуіне бұл қылықтары ұнамай қалған сияқты.
«Бір Нұрболаттың өзі жеткілікті еді», «Бір-біріне мүлде үйлеспейді, тыңдармандары да бөлек», «Шынымды айтсам, бұл жерде орынсыз болды», – деген пікірлер де айтылды.
Фото: Instagram
