Әлеуметтік желілердегі мәліметтерге сүйенсек, блогер өзбекстандықтарға қатысты әзіл айтуға тырысқан. Алайда желі қолданушылары оның сөздерін орынсыз деп бағалады. Осыдан кейін интернетте блогерге қарсы жаппай сын басталды.
Хейттің күшеюінен кейін Archibaaalt кешірім сұраған видеоүндеу жариялады. Ол өз мәлімдемесінде әзілі сәтсіз болғанын мойындады.
«Қазақ футболын қалай қолдайтынымды білесіздер. Бұл видеоны түсірген кезде тұтас бір қаланың көңіліне тиіп, ренжітуім мүмкін деп ойлаған жоқпын. Сол үшін кешірім сұраймын. Бұл артық әзіл болды. Сонымен қатар, мен Өзбекстан құрамасын қолдау үшін Өзбекстанға барамын. Олардың бізді қалай қолдағаны есімде», —
деді блогер.
Айта кетейік, дау Қазақстан Премьер-лигасының алғашқы айналымындағы басты матчтардың бірі саналатын «Ордабасы» мен «Қайрат» арасындағы ойын қарсаңында өршіді. Бастапқыда кездесу бір күн бұрын өтуі тиіс болған, алайда кейін матчтың күні өзгертілді. Енді командалар 28 мамыр күні Шымкентте кездеседі. Ойын сағат 20:00-де басталады.
Фото: Instagram
