Азаматтық әйелі Салтанат Нүкенованы өлтірді деп айыпталған Қуандық Бишімбаевтың ісі бойынша сотта тараптардың пікірталасы басталды. Айыптау сотталушыларға қандай жаза сұрайтынын жариялайды.
Пікірталас барысында мемлекеттік айыптаушылар Айжан Баймағанова мен Саясат Нұрбеков сөз сөйлейді. Олар айыпталушылар Қуандық Бишімбаев пен Бақытжан Байжановтың қандай жазаға лайық екендігі туралы айыптау ұстанымын айтады.
Сот алқабилердің қатысуымен өтеді. Сот процесіне судья Айжан Құлбаева төрағалық етеді. Қазақстанның сот жүйесінің тарихында тұңғыш рет Youtube-те процестің тікелей трансляциясы ұйымдастырылды.
Қуандық Бишімбаевты азаматтық әйелі Салтанат Нүкенованы өлтірді деп айыпталуда. Айыптау актісінде екі бап бар:
- ҚР ҚК 99-бабының 5-тармағы, 2-бөлігі — («Аса қатігездікпен адам өлтіру»).
- ҚР ҚК 110-бабының 1-тармағы, 2-бөлігі — («Азаптау»).
Оның туысы, директоры Бақытжан Байжановқа екі бап бойынша айып тағылды:
- ҚР ҚК 432 — («Қылмысты жасырып қалу»);
- ҚР ҚК 434 — («Қылмыс туралы хабарламау»);
Ұлттық экономиканың экс-министрі Қуандық Бишімбаев 2023 жылдың 9 қарашасында әйелін өлтірді деген күдікпен ұсталды. Тергеу мәліметтері бойынша, BAU мейрамханасында әйелі Салтанат Нүкенованың арасында жанжал болған.
Алқабилер қатысатын іс бойынша негізгі сот процесі 2024 жылдың 27 наурызында басталды.
24 сәуірде сот тергеуі аяқталған күні Қуандық Бишімбаев Салтанат Нүкенованы өлтіргені үшін өз кінәсін ішінара мойындады, бірақ азаптау мен айрықша қатыгездікті жоққа шығарды.
Фото: Facebook
