Әншілер өздерінің әлеуметтік желідегі парақшаларында бейнебаянды жариялаған. Клипте топ мүшелері «Қайрат» футбол клубының киіміне ұқсас түстегі образда бой көрсетіп, жасыл алаңда ән орындады.
Жаңа туындының негізгі идеясы – «Қайрат» футболшыларына сенім білдіру және олардың жеңісіне қолдау көрсету.
Айта кетсек, 28-інен 29-ына қараған түні Алматыға «Реал Мадрид» клубының ойыншылары келген болатын. Испаниялық қонақтарды қазақы қонақжайлылықпен қарсы алып, жылы лебіз бен ықылас көрсетілді.
Фото: Instagram
