Үйде қайталауға оңай нұсқалар.
Осы көктемде ұзын шашты оңай әрі сәнді етіп қалай сәндеуге болады? Бүгін біз инфлюенсерлердің әлеуметтік желілерінен жиі көріп жүрген және жылы маусымның басты трендтеріне айналатын сәнді нұсқаларды қарастырамыз. Біз кез келген адам қайталай алатын үш актуалды шаш үлгісінің идеясын көрсетеміз.
Алдыңғы жағы бетке түсірілген жиналған шаш
Төменге жиналған шашты батыстық инфлюенсерлер әлі де жақсы көреді, бірақ біз саған шашты романтикалық етіп жасауға кеңес береміз. Бұл сәнді шешім әдеттегі сәндеудің көңіл-күйін өзгертеді, ал егер шашыңды жоғары жинасаң, Одри Хепберн стиліндегі образ шығады.
«Малвинка»
Бұл шаш үлгісі күнделікті аутфиттерге өте ыңғайлы және шашты жайып жүргенді жақсы көретіндерге ұнайды, өйткені тек алдыңғы шаштар жиналады. «Малвинканы» жасау оңай: алдыңғы шаш бөлігін буу немесе түю арқылы арт жағына бекіту керек — сол кезде күнделікті жұмыстарды орындау кезінде шаш кедергі болмайды. Образды сәнді ету үшін бант секілді әшекейлерді пайдалан.
Жеңіл бұйралар
Сұлулық трендтерінің бірі — немқұрайлы сәндеу, сондықтан жеңіл бұйралар көктемгі сән үлгілеріне әдемі жарасады. Мұндай толқындарды жасау өте оңай: шаш үлгісі онымен ұзақ және мұқият жұмыс істегендей көрінбеуі керек, керісінше, француз әйелдеріндегідей жеңіл шашыраңқы әсер жасау керек. Шашыңды әдеттегідей бұйрала, ұштарына көп көңіл бөлме, содан кейін нәтижені текстуралық спреймен бекіт.
Фото: Instagram
