Кешір, бірақ оның салдары туралы білуің керек.
Көктем-жаз маусымы — күн сәулесі түсетін уақыт, жылы аяқ киім ауыстырылады, ал сұлулық салондарында педикюрге деген сұраныс артады. Ал, гель-лакты көктем, жаз, тіпті, қыста үзіліссіз жасасаң не болады? Сұраққа дерматолог жауап берді.
Ғалымдар бірнеше жыл бойы гель-лактың қауіпсіздігі туралы зерттеулер жүргізіп келеді. Сан-Диегодағы Калифорния университетінің ғалымдарының соңғы деректері гель-лак кептіру шамы ДНҚ-ны мутациялап, қатерлі ісік ауруын тудыруы мүмкін екенін көрсетеді.
Медицина ғылымдарының докторы және дерматолог Джоди Альперт Левин үзіліс жасаса тырнаққа арналған гель-лак зиян тигізбейтінін түсіндіреді.
«Алдымен тырнақтардың күйін қадағала: олар құрғақ, сынғыш және сары болмауы керек», – дейді ол. Егер сен арасында үзіліс жасамасаң, бұл белгілер саған таныс болады.
Сонымен қатар, көптеген қыздар бір жасаған тырнақпен 4-8 апта жүргенді ұнатады және бұл да қате. Ұзақ ұстаған педикюр кезінде тырнақ бөлінуі мүмкін, сонымен қатар тырнақтың теріге ену қаупі артады. Сондықтан тырнақ шеберлері ең көп дегенде үш аптадан кейін педикюрді алып тастауға кеңес береді.
Фото: Unsplash
