Спортшының айтуынша, ата-анасы оған кішкентайынан туған жерін, ата-бабасын және өз тегін құрметтеуді үйреткен. Сондай-ақ, олар туыстық байланысты әрдайым қадірлеп, отбасы бірлігін бәрінен жоғары қойған.
«Кішкентайымнан ата-анам маған өз тегімді, туған жерімді сүюді және құрметтеуді бойыма сіңірді. Ауылда өткен бақытты балалық шағым үшін шексіз ризамын. Киіз үйде өткен басқосуларды, арбамен серуендеген сәттерді, табиғат аясындағы саяхаттарды ешқашан ұмытпаймын. Біздің отбасымыз үлкен әрі тату. Өкінішке қарай, арамыздан мәңгілік мекеніне аттанған жақындарымыз бар. Бірақ мәңгілік өмірде бәріміз қайта қауышамыз деп сенемін. Жақындарым, сіздерді қатты жақсы көремін», –
деп жазды Алтынбекова.
Ол отбасы өміріндегі ең үлкен құндылық екенін атап өтті.
«Мен ата-анамның туыстық байланысты қалай қадірлегенін, аталарын қалай құрметтегенін көріп өстім. Сол өнегені өз өміріме де серік еттім. Отбасыма деген шексіз сүйіспеншілік, зор құрмет пен бірлік – мен үшін ең басты құндылықтар. Меніңше, ата-ананың ең маңызды міндеттерінің бірі – балаға жақындарын аялауды, өз тегін тануды және туған жерін мақтан тұтуды үйрету. Әке-шешеме шынайы әрі бақытты балалық шағым үшін алғыс айтамын. Барлық туыстарыма да ризамын. Сіздерді шексіз жақсы көремін және әрдайым қадірлеймін», –
деді спортшы.
Фото: Instagram
