Стресспен күресу үшін қызғылт шу туралы роликтер әлеуметтік желілерде тарала бастады — сарапшылар олардан пайда бар-жоғын түсіндірді.
Стресс көбінесе түнде ұйықтауға мүмкіндік бермейді. Ойлардан арылу және нервтерді тыныштандыру оңайға соқпайды. Әлеуметтік желілерде өздеріне және басқаларға көмектесу мақсатында қызғылт шу видеоларын қолдана бастаған.
Тек TikTok-та #pinknoise тегімен видеолар 1,4 миллионнан астам қаралым жинаған. Пайдаланушылар бейнеге қызғылт шудың дыбысын қояды, ол дыбыс табиғатта жиі естілетін терең, төмен жиілікті дыбыс ретінде сипатталады. Мұхит толқындарының дыбысы, жаңбыр тамшылары, ормандағы жапырақтардың шуылы — бәрі қызғылт шу болып есептеледі. Біз табиғи дыбыстарға психологиялық тұрғыдан жағымды қараймыз, сондықтан олар мазасыздықпен күресуде қолданылады.
@playpositiveaffirmations Double tap ‘♥️’ save this video and comment how this sound makes you feel ✨ #soundfrequencies #soundhealing #pinknoise #fyp ♬ Pink Noise (moving 316 Hz bandpass) — Listening Territory
Шудың көптеген түрлері бар. Ең танымал ол ақ шу. Онда бүкіл дыбыстық диапазонның жиілігі бар. Ақ шу дененің релаксациясына ықпал ететін сыртқы дыбыстарды өшіреді. Ғалымдар бұл ұйқының сапасына пайдалы әсер ететінін, есте сақтау қабілетін арттыратынын және концентрацияны жақсартатынын дәлелдеді.
Қызғылт шу, ақ шу сияқты, дыбыстық жиіліктердің барлық спектрін қамтиды, бірақ қарқындылығымен ерекшеленеді, ол ақ шуға қарағанда жұмсағырақ. 2012 жылы зерттеу жүргізілген болатын, нәтижесінде қызғылт шудың ми белсенділігін төмендетіп, ұйқыға терең енуіне әсер ететіні анықталды. Сонымен қатар, 2017 жылы зерттеушілер қызғылт шудың адам жадының дамуына үлесі мол екенін анықтады.
Стресске ұшыраған немесе ұйқысыздықтан зардап шегетіндерге сарапшылар қызғылт шуды тыңдауға кеңес береді. TikTok немесе YouTube желілерінен видеоларды таба аласыз.
Фото: Unsplash
