Pexels: Lizzy Honey
Әтір иісінің ұзақ денеңнен шығып тұрғанын қалайсың ба? Хош иістің тұрақтылығын арттыруға көмектесетін әтір қолданудың ерекшеліктері туралы біліп жүр
Біз бәріміз хош иісті әртүрлі тәсілдермен қолданамыз. Біреу білегіне және мойнына шашады, кейбіреуі киімге себеді немесе денесіне шашып, үйкелейді. Бірақ, сен бұл әдістердің барлығы жұмыс істемейтінін байқаған боларсың. Кейде жағымды иіс небәрі 30-40 минуттан кейін кетіп қалады, сондықтан арнайы сен үшін керемет сұлулық хактарын жинадық.
Мойындағы тамыр соғысы нүктелері
Pexels: Kaboompics.com
Әтірдің хош иісі теріміздегі ылғалдың булануының арқасында сезілетіні жасырын емес. Сондықтан жарқын және тұрақты иіс шығу үшін әтірді тамыр соғысы нүктелеріне — білекке, құлақтың артындағы орынға және мойын аймағына себуге тырыс. Бұл жерлерде терінің температурасы сәл жоғары, демек хош иістің булануы белсенді болады. Маңызды ақпарат: егер әтірді білегіңе жақсаң, оны үйкелеудің қажеті жоқ. Бұл оның беріктігін төмендетіп қана қоймайды, сонымен қатар хош иіс пирамидасын бұзады — иіс нашар ашылады.
Әркімнің өз әтір себетін жеке нүктелері
Айналаңдағы адамдар сенің хош иісіңнің тәтті немесе балғын иісін сезуі үшін, оны жағатын өз нүктелеріңді тап. Мысалы, шынтақ пен білекке жағылған хош иіс құшақтау кезінде жарқын шығады. Егер көйлектер мен белдемшелер жиі киетін болсаң, тізе мен етегіңе әтір шашып көр. Көп және белсенді қимылдайтын қыздар қолдарына сепсе болады. Осылайша керемет хош иіс әрбір қимылыңнан шығып тұрады.
Шаш пен киімдегі хош иіс
Кейде әтірдің иісі тез кетіп қалады, өйткені оны терінің ашық жерлеріне жағасың. Бірақ шаш пен жасанды талшықтар хош иісті әлдеқайда жақсы ұстайды. Сондықтан парфюмның жағымды иісін ұзақ уақыт сақтаудың тағы бір жолы — оларды киімге немесе шашқа жағу. Бірақ, бұл тұста абай болу керек. Кейбір композициялар ашық түсті және дақ қалдыруы мүмкін, сондықтан алдымен оларды матаның кішкене бөлігіне сеуіп, сынап көр.
Ылғалданған теріге хош иіс жағу
Pexels: Ron Lach
Ылғал тері де хош иісті жақсы сақтауға көмектеседі. Крем немесе сарысудағы балауыз бен май парфюм молекулаларының жұмысын өзгертеді және булануды баяулатады. Сондықтан әтірді қолданар алдында теріңді мұқият ылғалдандыруды ұмытпа.
Фото: Pexels
Дереккөз: TheGirl
