Голливудта шектен тыс арық болу сәні қайта оралып жатқандай. Бұған Дженна Ортеганың Esquire арнасына берген сұқбаты себеп болды. Видеода актрисаның айтарлықтай салмақ жоғалтқаны байқалады.
«Голливуд шектен тыс арықтықты қайтадан қалыпты құбылыс ретінде көрсетіп жатыр. Ал біз мұндай жағдай болып жатпағандай кейіп танытып отырмыз. Бұл алаңдатады», —
деп жазды X әлеуметтік желісіндегі @factsaccountt қолданушысы.
Оның жазбасы 5 миллионға жуық қаралым жинап, көптеген адам бұл пікірді қолдады.
«Соңғы уақытта Голливуд жұлдыздары сүйек қаңқасына ұқсап бара жатқандай. Мұндай сыртқы келбетті бәрімізге үлгі ретінде таңуға болмайды»,
деп жазды @Bint_e_Q.
@Samantha22MBA:
«Біз дене бітімін қабылдауды насихаттаудан қайтадан шектен тыс арықтықты дәріптеуге көштік. Ең қызығы — мәдени үрдістің кері бағытқа өзгергенін ешкім байқамағандай әрекет етеді».
@sharm42453:
«Біз 1990-жылдардағы сұлулық стандарттарын бұзуға он жыл жұмсадық. Ал қазір Голливуд сол стандарттарды қайтадан әкеліп жатыр».
Желі қолданушылары қазіргі арықтауға деген ұмтылысты 2000-жылдардағы сәнмен салыстырады. Ол кезде де Голливудтағы көптеген актрисалар барынша арық болуға тырысатын.
Арықтық мәселесі ерекше алаңдаушылық туғызған актрисалардың қатарында Дженна Ортегадан бөлек Эмма Стоун, Деми Мур, Алекса Деми және Лили Коллинз де аталады.
Сондай-ақ Ариана Гранденің салмақ жоғалтуы да көп талқылануда. Әнші өзінің сырт келбетіне қатысты шамадан тыс назар аударылуына байланысты Eternal Sunshine турынан кейін шығармашылық үзіліс алатынын мәлімдеген.
Фото: Instagram
Дереккөз: Горящая изба
